In custas tres giorronadas personalidadis medas e polìtigus localis funt interbènnius po fueddai in favori de sa lìngua nosta amaletzada de su perìgulu de sperdimentu ca est in crisi sa trasmissioni intre is aredeus. S’Accademia de sa lingua Sarda Campidanesa, S’Unesco de Casteddu e Concordia a Launeddas ant promòviu su cumbènniu. Ant partecipau puru scritoris/poetas e studiosus medas. Sa tenta de su cumbènniu est stètiu su de domandai a s’assessori regionali s’intrada de sa fueddada de su logu in is scolas de pipiesa e in cussa de s’òbbligu cambiendi de sa L.R. 26/97. De su restu giai sa L. 482/99 prevede accanto all’uso della lingua italiana, anche l’uso della lingua della minoranza per lo svolgimento delle attività educative. Nelle scuole elementari e nelle scuole secondarie di I° grado è previsto l’uso anche della lingua della minoranza come strumento di insegnamento…
Su cumbidu a su cumbènniu ddu ant alladiau a totu is comunus de s’ìsula cun sa pregonta de su patrocìniu. No podiat pròpiu amancai su comunu de Sàrdara chi at postu in su programa eletorali cosa sua sa promotzioni de sa lìngua sarda. In sa relata de acumpangiamentu si narat, in mesu de is àteras cosas, ca s’intrada de sa lìngua in scola depit essi acumpangiada de una revalutatzioni sociali e econòmica fadendi una lei chi previdat unu bonus significativu in is cuncursus pùbblicus po sa connoscèntzia de su sardu, a prus de ddu ponni a òbbligu in is logus chi ddis naraus istitutus educativus e logus de cultura: ludotecas, informagiòvunus, bibbliotècas, museus, e aici sighendi, no podendi fai de mancu in custus logus de sa connoscèntzia de sa lìngua nosta ca est elementu culturali de fundamentu. Su studiosu-cantadori Paolo Zedda at fueddau de cali bilinguismu podeus oi rialisticamenti praticai castiendi a is àteras esperièntzias europeas.
A serrai est stètiu Giulio Solinas su professori, Presidenti de S’Accademia de sa lìngua Sarda Campidanesa chi at prospetau otimisticamenti sa possibbilidadi chi is istàntzias bessidas a pillu in su cumbènniu siant arricidas de s’assessori regionali. “Chi po sa lìngua sutzedat su chi est acadèssiu a is launeddas chi oru-oru de su sperdimentu finas a pagus annus a oi, imoi bivint unu bellu momentu biatzu ca s’est arrennèsciu a ddas trasmiti a is giòvunus”, custu in pagus fueddus s’augùriu fatu de su portaboxi de Cuncòrdia a Launeddas a s’acabbu de una bella sonada. (CUARTU 18-19-20 Donniasantu 2011 –- Amparu e Avaloramentu de totu is bariedadis – intrada in scola)
Giampàulu Pisu. Consilleri comunali de Sàrdara delegau a sa lìngua sarda
Su cumbidu a su cumbènniu ddu ant alladiau a totu is comunus de s’ìsula cun sa pregonta de su patrocìniu. No podiat pròpiu amancai su comunu de Sàrdara chi at postu in su programa eletorali cosa sua sa promotzioni de sa lìngua sarda. In sa relata de acumpangiamentu si narat, in mesu de is àteras cosas, ca s’intrada de sa lìngua in scola depit essi acumpangiada de una revalutatzioni sociali e econòmica fadendi una lei chi previdat unu bonus significativu in is cuncursus pùbblicus po sa connoscèntzia de su sardu, a prus de ddu ponni a òbbligu in is logus chi ddis naraus istitutus educativus e logus de cultura: ludotecas, informagiòvunus, bibbliotècas, museus, e aici sighendi, no podendi fai de mancu in custus logus de sa connoscèntzia de sa lìngua nosta ca est elementu culturali de fundamentu. Su studiosu-cantadori Paolo Zedda at fueddau de cali bilinguismu podeus oi rialisticamenti praticai castiendi a is àteras esperièntzias europeas.
A serrai est stètiu Giulio Solinas su professori, Presidenti de S’Accademia de sa lìngua Sarda Campidanesa chi at prospetau otimisticamenti sa possibbilidadi chi is istàntzias bessidas a pillu in su cumbènniu siant arricidas de s’assessori regionali. “Chi po sa lìngua sutzedat su chi est acadèssiu a is launeddas chi oru-oru de su sperdimentu finas a pagus annus a oi, imoi bivint unu bellu momentu biatzu ca s’est arrennèsciu a ddas trasmiti a is giòvunus”, custu in pagus fueddus s’augùriu fatu de su portaboxi de Cuncòrdia a Launeddas a s’acabbu de una bella sonada. (CUARTU 18-19-20 Donniasantu 2011 –- Amparu e Avaloramentu de totu is bariedadis – intrada in scola)
Giampàulu Pisu. Consilleri comunali de Sàrdara delegau a sa lìngua sarda
Nessun commento:
Posta un commento